“ŞƏRQ-QƏRB” KİNOFESTİVALI: “DƏYİRMİ MASA” ARXASINDA SÖHBƏT
Kinoforumun iştirakçıları MDB-də və Baltikyanı ölkələrdə kino istehsalının hüquqi və təşkilati problemlərini müzakirə etmiş, Azərbaycanın yeni sənədli kinosundan danışdılar.
“Şərq-Qərb” festivalının prezidenti, MDB ölkələri və Baltikyanı ölkələrin Kinematoqrafçılar İttifaqları Konfederasiyasının sədri Rüstəm İbrahimbəyov birgə kino biznesinin yaradılması məsələsindən və kino istehsalının hüquqi məsələlərindən ətraflı söhbət açdı.
R.İbrahimbəyov vurğuladı ki, əslində, dünya kino biznesi səviyyəsində işləyən kinematoqrafiyaları prokatın olmadığı kinematoqrafiyalarla birləşdirmək çətindir. Məsələn, Azərbaycanda təkcə pirat filmlərini göstərirlər. Rusiyada qəbul olunmuş “Birgə quruluşlar haqqında qanun” və “Kino haqqında qanun” birgə kino çəkmək imkanından, əslində, məhrum edir. Birgə kino dövlət dəstəyini də ala bilmir.
O dedi ki, bu məsələ ilə öz təşəbbüsü ilə məşğul olmuş və MDB hökumət başçılarının iclasında Birlik ölkələrində birgə film istehsalı haqqında beynəlxalq saziş qəbul ediləcəkdir. Artıq bundan sonra həmin məhdudiyyətlər götürüləcəkdir. Bununla əlaqədar prodüserlərdən ibarət ekspert qrupu yaradılacaq və maliyyələşdirmə mexanizminin modeli hazırlanacaqdır.
“Azərbaycanın yeni sənədli kinosu” mövzusu üzrə geniş diskussiya getdi. Bu kinofestivalın proqramında Azərbaycan sənədli kinosu 2000-2005-ci illərdə çəkilmiş 12 filmlə təmsil olunmuşdur. Onlar ölkənin indiki həyatını bu və ya digər dərəcədə əks etdirir.
Bəs Azərbaycanda sənədli kino necə olmalıdır? Tanınmış Rusiya kinoşünasları və kinotənqidçiləri Kora Sereteli, Lev Annenski və İrina İzmolova, Rusiya Kinoşünaslar və Kino tənqidçiləri Assosiasiyasının vitse-prezidenti Leonid Pavlyuçik, kinoşünas Forqast İvan (Macarıstan) bu barədə öz fikirlərini bölüşərək, etnoqrafik materialı olan bəzi maraqlı filmləri (“Vaxtından əvvəl doğulmuş”, rejissor Mirsadıq Ağazadə, “Neft”, Murad İbrahimbəyov) xatırlatmaqla yanaşı, bildirdilər ki, Azərbaycan sənədli kinosunun nədən ibarət olduğu barədə aydın təsəvvürün yoxluğu müşahidə edilir. Onlar gənc sənədli film ustaları üçün ustad dərsləri təşkilini təklif etdilər.
Kinematoqrafçılar İttifaqları Konfederasiyasının dəstəyi ilə Moskvada Rasim Ocaqovun xatirə gecəsinin və onun “Şərq-Qərb” festivalının proqramına daxil olmuş filmlərinin redprospektivinin keçirilməsi də təklif olundu.
Bölmənin digər xəbərləri
