ŞƏRQİ GÜRCÜSTANI ÇƏYİRTKƏ TƏHLÜKƏSİ GÖZLƏYİR
AZƏRTAC-ın xüsusi müxbiri xəbər verir ki, cari ildə Kvemo Kartli - Borçalı bölgəsinin də daxil olduğu Şərqi Gürcüstanı çəyirtkənin və qarğıdalı ziyanvericilərinin hücumu gözləyir. Bu barədə Gürcüstanın Ərzağın təhlükəsizliyi, bitkilərin və heyvanların müdafiəsi xidməti rəisinin müavini Zurab Lipartia məlumat vermişdir.
Bundan əlavə, Gürcüstanın əkin sahələrinə ağ Amerika kəpənəyinin və digər ziyanvericilərin hücumu da gözlənilir. Kənd Təsərrüfatı Nazirliyi onlara qarşı alman pestisidləri vasitəsilə mübarizə aparmaq niyyətindədir. Əhaliyə meyvə-tərəvəzdən sahələr pestisidlərlə dərmanlandıqdan iki həftə sonra istifadə etmək məsləhət görülür.
Bölmənin digər xəbərləri
