SƏUDİYYƏ İNKİŞAF FONDUNUN NÜMAYƏNDƏ HEYƏTİ AZƏRBAYCANA GƏLƏCƏKDİR
Səudiyyə Ərəbistanının Bakıdakı səfirliyindən AZƏRTAC-a bildirmişlər ki, fevralın 11-də Səudiyyə İnkişaf Fondunun vitse-prezidenti Yusif bin İbrahim əl-Bəssamın başçılıq etdiyi nümayəndə heyəti Azərbaycana səfər edəcəkdir. Məqsəd fevralın 12-də “Yevlax-Gəncə avtomobil yolunun yenidən qurulması” layihəsi üzrə kredit sazişini imzalamaqdır.
Fevralın 13-dək davam edəcək səfər çərçivəsində nümayəndə heyətinin Nəqliyyat Nazirliyində və digər hökumət qurumlarında görüşləri, həmçinin fondun maliyyə dəstəyi ilə inşa olunan məktəb binalarının tikinti işləri ilə tanışlıq da nəzərdə tutulmuşdur.
Bölmənin digər xəbərləri
