Sevda Hüseyin: Əsas məqsədimiz poçtun tarixinə səyahət etməklə insan ünsiyyətinin əhəmiyyətini göstərmək idi
Bakı, 7 oktyabr, AZƏRTAC
Filmin ideyası uzun müddətdir mövcud idi və əsas məqsəd Azərbaycan poçtunun tarixinə, ümumən isə ünsiyyətin əhəmiyyətinə yeni baxış gətirməkdi.
Bu barədə AZƏRTAC-a açıqlamasında “Səssiz ünsiyyət” bədii-sənədli filminin ssenari müəllifi, AzTV-nin əməkdaşı Sevda Hüseyn bildirib.
O, qeyd edib ki, film üzərində işləyərkən yalnız poçtun yaranma tarixi deyil, eyni zamanda qədim sivilizasiyalara da nəzər salınıb: “Üç aktyorun simasında simvolik olaraq göstərmək istədik ki, insanlar arasında ünsiyyət həmişə vacib olub və belə də qalacaq. İnsan cəmiyyəti mövcud olduqca sevgi və ünsiyyət də zəruri olacaq. Sadəcə zamanla vasitələr dəyişir, ünsiyyətin mahiyyəti isə sabit qalır”.
Ssenarist qeyd edib ki, film Azərbaycanın poçt tarixini tamaşaçılara çatdırmaqla yanaşı, həm də insan həyatında ünsiyyətin əbədi dəyər olduğunu vurğulamağı qarşıya məqsəd qoyub.
Bölmənin digər xəbərləri
