“ŞİMAL” ELEKTRİK STANSİYASINDA İKİNCİ BUXAR-QAZ QURĞUSU TİKİLİR
“Azərenerji” Səhmdar Cəmiyyətinin mətbuat xidmətindən AZƏRTAC-a bildirmişlər ki, Yaponiyanın TEPSCO və Finlandiyanın Enprima şirkətlərindən ibarət konsorsium “Şimal” elektrik stansiyasında tikiləcək 400 meqavatlıq ikinci buxar-qaz qurğusunun layihəsi üzrə keçirilən müsabiqənin qalibi olmuşdur.
Hazırda müsabiqənin yekun hesabatı Yaponiyanın beynəlxalq əməkdaşlıq bankına göndərilmək üçün hazırlanır.
Xatırladaq ki, Bakının və Abşeron yarımadasının enerji təchizatında mühüm rol oynayan “Şimal” elektrik stansiyasındakı 400 meqavatlıq birinci buxar-qaz qurğusu da bu bankın krediti hesabına inşa edilmişdi.
Bölmənin digər xəbərləri
