Şimon Ohayon: ADU ilə Bar-İlan Universiteti arasında əməkdaşlıq əlaqələri qurulacaq
Bakı, 30 avqust, AZƏRTAC
Azərbaycan Dillər Universiteti ilə Bar-İlan Universiteti arasında əməkdaşlıq əlaqələri qurulacaq. Bu da universitetlər arasındakı münasibətləri yaxşılaşdıracaq.
AZƏRTAC xəbər verir ki, bu sözləri “Şimali və Şərqi Qafqaz yəhudilərinin irsi və mədəniyyəti" mövzusunda keçirilən beynəlxalq-elmi konfransda Bar-İlan Universitetinin nəzdində Dahan Mərkəzinin direktoru Şimon Ohayon söyləyib.
O, Dağ yəhudiləri, Avropa yəhudiləri və Gürcüstan yəhudiləri haqqında məlumat verib.
Şimon Ohayon bildirib ki, bu konfrans vasitəsilə akademik və mədəni əməkdaşlığın əsası qoyulur. Bunun təzahürlərini gələcəkdə görəcəyik.
Bölmənin digər xəbərləri
