ŞİRVAN ŞƏHƏRİNDƏ DAŞQININ NƏTİCƏLƏRİNİN ARADAN QALDIRILMASI İLƏ ƏLAQƏDAR KOMPLEKS İŞLƏR DAVAM ETDİRİLİR
Şirvan, 22 iyun (AZƏRTAC). Şirvan şəhərində daşqının nəticələrinin aradan qaldırılması ilə əlaqədar kompleks işlər davam etdirilir. Həyətyanı sahələrdə və evlərin zirzəmisində yığılıb qalan qrunt suları nasoslar və xüsusi aqreqatlar vasitəsilə çəkilərək kanallarla çaya axıdılır.
Şirvan Şəhər Fövqəladə Hallar Komissiyasının sədr müavini Şəfayət Əsgərovun sözlərinə görə, artıq 500 ev qrunt sularından təmizlənmişdir.
Təbii fəlakət nəticəsində Şirvan şəhərində 891 evə ziyan dəymişdir. Onların 58-i qəzalı vəziyyətə düşmüş, 688 evin divarlarında isə cüzi çatlar əmələ gəlmişdir.
Bölmənin digər xəbərləri
