“SKAL İnternational Baku” klubunun 18-ci toplantısı keçiriləcək
Bakı, 20 noyabr, AZƏRTAC
Noyabrın 21-də “Park İnn” otelində “SKAL İnternational Baku” klubunun (Səyahət və Turizm Peşəkarları Beynəlxalq Assosiasiyası) 18-ci toplantısı keçiriləcək.
Azərbaycan Turizm İnstitutunun (ATİ) mətbuat xidmətindən AZƏRTAC-a bildirilib ki, toplantıda “SKAL Baku” klubunun prezidenti, ATİ-nin rektoru, tarix elmləri doktoru, professor Cəfər Cəfərov qurumun fəaliyyət planları barədə məlumat verəcək.
Sonra Avstriyanın Krems Tətbiqi Elmlər Universitetinin professoru İrfan Arikan və “SKAL Marmara” klubunun prezidenti Zeynep Yılmazın təqdimatları olacaq.
Toplantı ənənəvi olaraq SKAL tostu ilə başa çatacaq.
Bölmənin digər xəbərləri
