Slovakiya Ukraynaya 13 ədəd “MiQ-29” qırıcı təyyarəsi verib
Kiyev, 17 aprel, AZƏRTAC
Slovakiya Ukraynaya “MiQ-29” qırıcı təyyarələrinin verilməsi prosesini başa çatdırıb. Vəd olunan 13 təyyarə artıq Ukraynadadır.
AZƏRTAC bu barədə Slovakiyanın Müdafiə Nazirliyinə istinadla xəbər verir.
Slovakiyanın müdafiə naziri Yaroslav Nadın sözlərinə görə, Ukrayna daha 9 təyyarə alıb.
“Bu ötürmə ən böyük təhlükəsizlik amili nəzərə alınmaqla yerüstü yolla həyata keçirilib. Cəlb olunan bütün komponentlərə böyük minnətdarlığımı bildirirəm, çünki belə hallarda bu, həqiqətən mühüm və çətin logistik əməliyyatdır”, - deyə Nad vurğulayıb.
O əlavə edib ki, “MiQ-29” təyyarələri Rusiya təcavüzünə qarşı mübarizədə Ukrayna üçün zəruri dayaqdır. “Digər tərəfdən, qonşumuzdan fərqli olaraq, bu təyyarələr bizə gərəksiz idi. Biz düzgün addım atırıq”, - deyə nazir bəyan edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
