SOCAR-ın "Gənc İstedadlar Proqramı"nın iştirakçıları üçün təlimlər keçirilir
Bakı, 31 iyul, AZƏRTAC
SOCAR-ın “Gənc İstedadlar Proqramı” çərçivəsində iştirakçılar üçün “yumşaq bacarıqlar”ın inkişaf etdirilməsi istiqamətində müxtəlif mövzularda interaktiv təlimlər təşkil edilir.
SOCAR-dan AZƏRTAC-a verilən məlumata görə, proqram çərçivəsində peşəkar mütəxəssislər tərəfindən “Vaxtın idarə olunması”, “Emosional zəka”, “Konfliktlərin idarə olunması”, “Effektiv komanda işi”, “Dəyişikliklərin idarə edilməsi” və digər mövzularda interaktiv təlimlər keçirilib. Bu təlimlər proqram müddətində qazanılan texniki biliklərə əlavə olaraq, iştirakçıların davranış səriştəliklərinin, o cümlədən fərdi və peşəkar inkişafını hədəfləyir.
Təlimlər zamanı iştirakçılar müxtəlif növ simulyasiyalar, qrup fəaliyyəti vasitəsilə interaktiv öyrənmə mühitində yeni bacarıqlar əldə edir, təcrübələrini daha da zənginləşdirir, əməkdaşlıq, liderlik, qərarvermə bacarıqlarını inkişaf etdirmək şansı əldə edirlər.
Təlimlər ümumilikdə iştirakçıların korporativ mədəniyyətə inteqrasiyasını sürətləndirməyə xidmət edir.
Bölmənin digər xəbərləri
