Son 24 saat ərzində Özbəkistanda COVID-19 koronavirusuna 42 nəfər yoluxub
Daşkənd, 10 aprel, АZƏRTAC
Son sutka ərzində Özbəkistanda COVID-19 koronavirusuna yoluxanların sayı 42 nəfər artaraq 624-ə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son məlumata görə ölkədə koronavirusdan 38 nəfər sağalıb, 3 nəfər dünyasını dəyişib.
Xatırladırıq ki, ilk dəfə koronavirus martın 15-də Fransadan Daşkəndə gələn Özbəkistan vətəndaşında aşkar edilib.
Hazırda Özbəkistanda stasionar və ev şəraitində karantində təxminən 88 min adam var.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
