Son 5 ildə Avropa Parlamentinə 42 min yazılı müraciət daxil olub
Tbilisi, 7 iyun, AZƏRTAC
Son 5 ildə Avropa Parlamentinə 42 min yazılı müraciət daxil olub. Təəssüf ki, bu müraciətlərin hamısı effektiv cavablandırılmayıb.
AZƏRTAC xəbər verir ki, fikirləri ATƏT PA-nın vitse-prezidenti, Azərbaycan Milli Məclisinin deputatı Azay Quliyev Tbilisidə “Parlament nəzarəti: Məsuliyyətə cəlbetmə qüvvəsi” adlı beynəlxalq konfransda çıxışı zamanı söyləyib.
A.Quliyev deyib ki, bir çox hallarda Avropa Parlamentinə daxil olan müraciətlərə dolğun və lazımi səviyyədə cavab verilmir. Bu da çox ciddi narazılıqlara səbəb olur. ATƏT PA-nın vitse-prezidenti həmin müraciətlərə nazirlər, baş nazir və digər aidiyyəti şəxslər tərəfindən effektiv cavab verilməsi üçün yeni mexanizmin işlənib hazırlanmasını təklif edib. Bildirib ki, belə bir mexanizmin hazırlanması həm müraciətlərə dolğun və vaxtında cavab verilməsinə, mövcud problemlərin həllinə və demokratiyanın daha da inkişafına səbəb olacaq.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
