Soqdiana: “Jara” festivalı məndə güclü təəssürat yaratdı
Bakı, 28 iyul, AZƏRTAC
İlk dəfədir Bakıdayam. “Jara” festivalı məndə güclü təəssürat yaratdı. Burada iştirak etmək insana zövq verir. Belə bir festivalda iştirak etdiyim üçün qürur duyuram.
Bu sözləri AZƏRTAC-a məxsusi müsahibəsində Rusiyanın tanınmış müğənnisi Soqdiana deyib.
Möhtəşəm musiqi bayramı olan “Jara”da izdihamlı auditoriya ilə qarşılaşdığını bildirən Soqdiana festivalın coğrafiyasının getdikcə genişləndiyini söyləyib.
Şəhərimizdə baş verən inkişafın onda xoş təəssürat oyatdığını qeyd edən Soqdiana tamaşaçıların konsertlərdən böyük zövq alacaqlarını vurğulayıb. “Bu inkişafı görmək olduqca xoşdur. Heydər Əliyev Beynəlxalq Aeroportuna qədəm qoyduğumuz andan isti və səmimi münasibətlə qarşılaşdıq. Azərbaycan xalqı musiqini sevir və qiymətləndirir”, - deyə müğənni qeyd edib.
Bölmənin digər xəbərləri
