SOSİAL-İQTİSADİ İNKİŞAF SÜRƏTLƏNDİRİLMİŞDİR
Bildirilmişdir ki, hesabat dövründə sənayedə çalışanların sayı 5650 nəfər, orta aylıq əmək haqqı 252 AZN təşkil etmiş, 2004-cü illə müqayisədə məşğul əhalinin sayı 8,9 faiz, orta aylıq əmək haqqı isə 14,6 faiz artmışdır. İl ərzində sənaye müəssisələrində 493,1 min ton neft, 21,3 milyon kubmetr qaz, 5559,1 milyon kilovatt-saat elektrik enerjisi, 10 min ton mahlıc, 5,1 min ton təmizlənmiş yağ, 5,2 min tona yaxın pambıq yağı, 3,4 min ton əhəng, 3,8 min ton inşaat kərpici və digər sənaye məhsulları istehsal edilmişdir. Hazır məhsulun 64,3 faizi elektroenergetika, 32,1 faizi neftçıxarma, 3,6 fazi isə emal sənayesinin payına düşmüşdür. Ümumiyyətlə, 2004-cü illə müqayisədə elektroenergetikada 5,8 faiz, neftçıxarmada 8 faiz, emal sənayesində isə 39,5 faiz artım yaranmışdır.
2005-ci ildə şəhərdə 1879 yeni iş yeri açılmış, məşğul əhalinin sayı 28906 nəfərə (iqtisadi fəal əhalinin 67 faizi) çatdırılmışdır.
Müzakirələrdə Əli Bayramlı DRES-in direktoru Səməd İsgəndərov, mərkəzi şəhər xəstəxanasının baş həkimi, YAP şəhər təşkilatının sədri Əbülhəsən İbrahimov, yerli bələdiyyənin sədri Əfsəlağa Babayev, maliyyə idarəsinin rəisi Həzi Qasımov, “Ulduz” kooperativinin sədri İlham Cəfərov və başqaları iştirak etmişlər.
Baş nazirin birinci müavini Yaqub Eyyubov yığıncaqda çıxış edərək qazanılmış uğurlardan və qarşıda duran vəzifələrdən bəhs etmiş, qaldırılmış bir sıra məsələlərə aydınlıq gətirmişdir.
Yığıncaq şəhər icra hakimiyyətinin 2005-ci ildəki fəaliyyətini qənaətbəxş saymışdır.
Tədbirdə Prezidentin İcra Aparatının məsul işçisi Rəhim Məmmədov və Milli Məclisin deputatı Azay Quliyev iştirak etmişlər.
Sonda Azərbaycan Prezidenti İlham Əliyevə müraciət qəbul edilmişdir.
Bölmənin digər xəbərləri
