“Soyqırımı xalq yaddaşında” mövzusunda beynəlxalq elmi sərgi-konfrans keçiriləcək
Bakı, 24 fevral, Pərvanə İmanova, AZƏRTAC
Martın 2-də Azərbaycan Milli Elmlər Akademiyasının (AMEA) “Azərbaycanlılara qarşı soyqırımların tədqiqi” komissiyası və Folklor İnstitutunun birgə təşkilatçılığı ilə “Soyqırımı xalq yaddaşında” mövzusunda beynəlxalq elmi sərgi-konfrans keçiriləcək.
AZƏRTAC xəbər verir ki, akademiyada ilk dəfə soyqırımı hadisələrinə həsr olunan sərgidə AMEA-nın əməkdaşlarının 30-dək əsəri nümayiş etdiriləcək. Sərgidə əməkdar incəsənət xadimi Elturan Avalovun Şuşa memarlıq abidələrinə həsr edilən, mədəni irsə qarşı soyqırımı aspektində əsərləri təqdim olunacaq.
Tədbirdə, həmçinin AMEA-nın müxbir üzvü Kərim Kərimovun, AMEA Əlyazmalar İnstitutunun əməkdaşı, peşəkar rəssam Fəxrəddin Əlinin silsilə əsərləri də nümayiş etdiriləcək.
Bölmənin digər xəbərləri
