STALİNİN NƏTİCƏSİ RUSİYADAN “NORMAL VƏTƏNDAŞLIQ” XAHİŞ EDİR
Onun RF Prezidentinin saytına göndərdiyi məktubda deyilir: “Mən İ.V.Stalinin nəvəsi – istefada olan polkovnik Yevgeni Yakovleviç Cuqaşvilinin kiçik oğluyam. Mən və böyük qardaşım Vissarion (hazırda hər ikimiz Gürcüstan vətəndaşıyıq) orta təhsili Moskvada almışıq. Qardaşım RSFSR-də hərbi xidmət keçmişdir”.
Stalinin nəticəsi xatırladır ki, SSRİ dağılmazdan əvvəl onlar həm Rusiyanın, həm də Gürcüstanın tamhüquqlu vətəndaşları olmuşlar. SSRİ-nin süqutundan sonra hər iki qardaş Rusiyada əcnəbilər sayılır və buna görə də indi Moskvada yaşamaq və işləmək hüququna malik deyillər. Yakov vurğulayır ki, indi onların Moskvaya getməsi ciddi bürokratik əngəllərlə və maliyyə problemi ilə bağlıdır.
Yakovun atası – 1944-cü ildə alman əsirliyində həlak olan Yakov Cuqaşvilinin 69 yaşlı oğlu Yevgeni Cuqaşvili RF vətəndaşıdır, Moskvada yaşayır, ilin, demək olar, yarısını Tbilisidə keçirir. Yakovun qardaşı 40 yaşlı kinorejissor Vissarion Cuqaşvili son iki ildə ABŞ-da yaşayır, lakin tezliklə Tbilisiyə qayıtmaq niyyətindədir, çünki arvadı və iki övladı Gürcüstan paytaxtında yaşayır.
Bölmənin digər xəbərləri
