ŞTAYNMAYER VƏ KUBİS MƏRKƏZİ ASİYADA AVROPA İTTİFAQININ FƏALLAŞDIRILMASI MƏSƏLƏSİNİ MÜZAKİRƏ ETMİŞLƏR
Söhbət zamanı 2007-ci ilin birinci yarısında Avropa orqanlarında Almaniyanın qarşıdakı sədrliyi nəzərə alınmaqla, müntəzəm fikir mübadiləsinin keçirilməsi haqqında razılıq əldə edilmişdir.
Mərkəzi Asiya ölkələrində vəziyyət haqqında Almaniyanın fikri Aİ üçün böyük əhəmiyyətə malikdir, çünki Aİ üzvü olan bütün dövlətlər içərisində hazırda yalnız Berlinin Mərkəzi Asiyanın beş respublikasının hamısında səfirlikləri vardır. Almaniya hökuməti Aİ-də Mərkəzi Asiya üzrə xüsusi müvəkkil vəzifəsinin yaradılmasına çoxdan tərəfdar olmuşdur. Bu vəzifə carı ilin iyul ayında Aİ xarici işlər nazirlərinin növbəti iclasında təsdiqlənmişdir.
Almaniya XİN-in mətbuat xidmətinin nümayəndəsi demişdir ki, Almaniya Aİ-nin xüsusi müvəkkilinin regionda hüquqi dövlətçiliyin möhkəmləndirilməsi proseslərinə yardım göstərilməsinə yönəldilmiş səylərini birmənalı dəstəkləyir.
Bölmənin digər xəbərləri
