Süleyman Mikayılov: Ümid edirik ki, “Bakı-2017”də bütün boksçularımız medal qazanacaqlar
Bakı, 14 may, Həsrət Mahmudova, S.Allahverdiyeva, AZƏRTAC
“Bakı-2017” IV İslam Həmrəyliyi Oyunlarının Bakıda keçirilməsi hər bir azərbaycanlı üçün qürurvericidir.
Bunu Azərbaycan Boks Federasiyasının vitse-prezidenti Süleyman Mikayılov AZƏRTAC-a müsahibəsində deyib.
Azərbaycan boksçularının dünyanın ən güclülərindən hesab olunduğunu vurğulayan S.Mikayılov bildirib: “Azərbaycan boks üzrə müsəlman ölkələri arasında ilk üçlükdədir. Boksçularımızdan gözləntilərimiz çox böyükdür. Ümid edirik ki, IV İslam Həmrəyliyi Oyunlarında iştirak edən bütün boksçularımız medal qazanacaqlar. İdmançılarımız arasında gənc boksçularımız da var ki, onların da medal şansları çox yüksəkdir”.
Bölmənin digər xəbərləri
