SÜLH MƏDƏNİYYƏTİ TƏDRİS EDİLİR

05.07.2004 [11:26]
Çap et
A⁺ A^-

BMT-nin Qadınlar üçün İnkişaf Fondunun (UNİFEM) “Qadınlar Cənubi Qafqazda münaqişələrin qarşısının alınması və sülh yaradılması uğrunda” layihəsi çərçivəsində ABŞ-ın Kolumbiya Universitetinin professoru Betti Reardonun “Sülh mədəniyyəti təhsili - gender perspektivindən” adlı kitabı Azərbaycan və rus dillərinə tərcümə olunaraq çap edilmişdir.

Layihənin Azərbaycan üzrə milli əlaqələndiricisi Gülşən Paşayeva AZƏRTAC-ın müxbirinə bildirmişdir ki, pedaqoji təhsil üçün mənbə kimi nəzərdə tutulan bu kitab, orta məktəblərdəki təlim prosesində də faydalı ola bilər. Kitabda müvafiq ədəbiyyat materialları və İnternet saytlarının ünvanları da göstərilmişdir. Sülh mədəniyyətinin orta məktəblərdə təbliğ edilməsi üçün yeni tədris proqramının hazırlanmasında B.Reardonun kitabından istifadə olunacaqdır. Layihənin milli əlaqələndiricisinin fikrincə, orta məktəblər üçün elə bir proqram hazırlanmalıdır ki, burada sülh mədəniyyətinin əsasını təşkil edən anlayışlar öz əksini tapsın.

SÜLH MƏDƏNİYYƏTİ TƏDRİS EDİLİR

MÜƏLLİFLƏ ƏLAQƏ

Bölmənin digər xəbərləri