“Sumqayıt” Antalyada Macarıstan, Serbiya və Xorvatiya klubları ilə qarşılaşacaq
Bakı, 17 dekabr, AZƏRTAC
“Sumqayıt” futbol klubunun qış hazırlıq planları bəlli olub.
“Gənclik şəhəri” təmsilçisindən AZƏRTAC-a verilən məlumata görə, Saşa İliçin başçılıq etdiyi komanda dekabrın 22-də - “Sabah”la çempionat oyunundan sonra istirahətə buraxılacaq.
Kollektiv 2026-cı il yanvar ayının 3-də Türkiyənin Antalya şəhərinə yollanacaq.
Yanvarın 3-dən 17-dək Lara bölgəsində məskunlaşacaq “Sumqayıt” bu müddət ərzində 3 yoxlama oyununda qüvvəsini sınayacaq. Komanda 9, 12 və 16 yanvar tarixlərində müvafiq olaraq Macarıstanın “Paksi”, Serbiyanın “OFK Belqrad” və Xorvatiyanın “Osiyek” klubları ilə yoxlama oyunları keçirəcək.
Bölmənin digər xəbərləri
