“Sumqayıt” braziliyalı futbolçunu transfer edib
Bakı, 15 avqust, AZƏRTAC
Yeni mövsüm üçün transfer çalışmalarını davam etdirən “Sumqayıt” daha bir futbolçunu heyətinə cəlb edib.
Klubdan AZƏRTAC-a verilən məlumata görə, "kimyaçılar" braziliyalı futbolçu Alan Diasla 1+2 illik müqavilə imzalayıb. 25 yaşlı müdafiəçi yeni komandasında 5 nömrəli formada çıxış edəcək.
Qeyd edək ki, “Sumqayıt” indiyədək Rəhim Sadıxov, Fernando Medeiros, Slavişa Radoviç, Nikola Vuynoviç, Sərtan Taşqın və Silvanus Nimelinin keçidini reallaşdırıb.
Bölmənin digər xəbərləri
