“Sumqayıt” klubu Kamran Əliyev ilə müqavilə imzalayıb
Bakı, 10 fevral, AZƏRTAC
“Sumqayıt” klubu daha bir futbolçunu heyətinə cəlb edib.
AZƏRTAC kluba istinadla xəbər verir ki, komanda son olaraq “Arsenal” (Rusiya, Tula) klubunda çıxış etmiş Kamran Əliyevlə 2,5 illik müqavilə imzalayıb.
İyirmi dörd yaşlı azərbaycanlı futbolçu “Sumqayıt”ın heyətində 23 nömrəli formada çıxış edəcək.
Qeyd edək ki, Rusiyanın “Ximki” klubunun yetirməsi olan K.Əliyev karyerası ərzində “SKA Xabarovsk” və “Arsenal” (Tula) komandalarında çıxış edib. Futbolçu, həmçinin 21 yaşadək futbolçulardan ibarət milli komandamızın heyətində 2 oyun keçirib.
Bölmənin digər xəbərləri
