Sumqayıtda baş verən yol qəzasında yaralananlardan birinin vəziyyəti ağırdır
Sumqayıt, 12 iyul, Ətrabə Rzayeva, AZƏRTAC
Bakı-Quba yolunun Sumqayıt şəhərinin Hacı Zeynalabdin qəsəbəsinin ərazisindən keçən hissəsində avtomobil qəzası baş verib. Qəsəbəyə sərnişin daşıyan 3 nömrəli marşrut avtobusu TIR-la toqquşub, 11 nəfər yaralanıb. Yaralılar xəstəxanaya çatdırılıblar. Faktla bağlı Sumqayıt Şəhər Polis İdarəsində araşdırma aparılır.
Sumqayıt Tibb Mərkəzindən AZƏRTAC-a bildirilib ki, Hacı Zeynalabdin-Sumqayıt avtomobil yolunda baş verən qəza ilə bağlı Sumqayıt Tibb Mərkəzinin Təcili Yardım Xəstəxanasına 12 nəfər (7-si kişi , 5-i qadın) yerləşdirilib. Onlardan 1 nəfərin vəziyyəti ağır, digərlərinin vəziyyəti isə orta ağır qiymətləndirilir.
Bölmənin digər xəbərləri
