SUMQAYITDA MÜSTƏQİLLİK GÜNÜ QEYD OLUNMUŞDUR
Sumqayıtlılar, habelə tərəfdaş şəhər Lüdviqshafendən (Almaniya) gəlmiş qonaqlar görkəmli siyasətçi və dövlət xadimi, Azərbaycan xalqının dahi oğlu Heydər Əliyevin abidəsi önünə al qızılgüllər düzmüş, onun nurlu xatirəsi qarşısında baş əymişlər.
Azərbaycan Respublikasının dövlət himni səslənmişdir.
Sumqayıt İcra Hakimiyyətinin başçısı Vaqif Əliyev toplaşanları milli bayram - Müstəqillik günü münasibətilə təbrik edərək, Şərqdə ilk demokratik dövlətin yaradılması tarixindən, onun keçdiyi şərəfli yoldan danışmışdır. Sonra V.Əliyev 1990-cı illərin əvvəllərində respublikada yaranmış mürəkkəb, ziddiyyətli vəziyyətdən söhbət açmışdır. O zaman xalqın iradəsi ilə Heydər Əliyev ölkə Prezidenti seçilmişdir. Ölkədəki ictimai-siyasi sabitlik, sahibkarlığın sürətli inkişafı, iqtisadiyyatın yüksəlişi, neft strategiyasının işlənib hazırlanması və həyata keçirilməsi onun adı ilə bağlıdır. Bu gün Azərbaycan müstəqil siyasət yürüdür, dünya iqtisadi məkanına inamla inteqrasiya edir. Bunlar dahi liderimiz Heydər Əliyevin Azərbaycan Prezidenti İlham Əliyev tərəfindən uğurla davam etdirilən məqsədyönlü siyasətinin nəticəsidir.
Bölmənin digər xəbərləri
