Suqovuşanda çalışan usta: İş yoldaşlarımla birlikdə burada səs verəcəyəm
Suqovuşan, 24 yanvar, Tahir Ağaməmmədov, AZƏRTAC
İşğaldan azad edilmiş ərazilərimizdə böyük bərpa-tikinti işləri aparılır. Çox qürurluyam ki, Qarabağımızın qurulmasında mənim də bir usta kimi əməyim var.
Bunu AZƏRTAC-ın bölgə müxbirinə müsahibəsində Suqovuşan qəsəbəsindəki yaşayış məhəlləsinin tikintisinə çalışan usta Azər Məmmədov deyib.
“Şanlı ordumuz düşmən üzərində qələbə qazandı, 30 il işğal altında olan torpaqlarımız azad edildi. Ermənilərin dağıtdığı şəhər və kəndlərimiz indi yenidən qurulur. Mən də quruculuq işlərinin iştirakçısıyam. Tezliklə daha bir tarixi hadisənin şahidi və iştirakçısı olacağıq. Fevralda keçiriləcək prezident seçkiləri ilk dəfə olaraq işğaldan azad edilmiş ərazilərimizdə də təşkil ediləcək. Mən də iş yoldaşlarımla birlikdə Suqovuşan qəsəbəsindəki seçki məntəqəsində səs verəcəyəm. Allah dövlətimizi hər zaman qüdrətli, xalqımızı xoşbəxt eləsin”, - deyə o bildirib.
Bölmənin digər xəbərləri
