SUVARMA SUYUNA OLAN TƏLƏBATI ÖDƏMƏK ÜÇÜN TƏDBİRLƏR GÖRÜLÜR
AZƏRTAC xəbər verir ki, Samux rayonunda suvarma suyuna olan tələbatı ödəmək məqsədilə son bir neçə ayda xeyli iş görülmüşdür. Mövcud kanalların 6,5 min kubmetri lildən təmizlənmiş, 2,3 min kubmetr sahilbərkitmə, 4,8 min kubmetr tənzimləmə işləri aparılmışdır. Rayon mərkəzindən 40 kilometr kənarda yerləşən Burunqovaq kəndində sel sularının qarşısını almaq məqsədilə Qabırrı çayının məcrası dəyişdirilmiş, suötürücü kanallarda bir neçə keçid körpüsü salınmışdır. Hadılı, Yuxarı Ağasıbəyli, Hacıalılı kəndlərinin və Qara-arx qəsəbəsinin hər birində bir ədəd artezian quyusu istifadəyə verilmişdir. Hazırda bu iş uğurla davam etdirilir. Bir neçə gündən sonra Sərkar kəndində daha bir artezian quyusu sakinlərin ixtiyarına veriləcəkdir.
Bölmənin digər xəbərləri
