SXİNVALİ BÖLGƏSİNDƏKİ SİLAHLI TOQQUŞMADA GÜRCÜSTAN TƏRƏFİ 16 NƏFƏR İTKİ VERMİŞDİR
İndiyədək Gürcüstan tərəfi 16 nəfər itki vermişdir. Hazırda Gürcüstan müdafiə naziri Georgi Baramidze və daxili işlər naziri İrakli Okruaşvili münaqişə zonasındadırlar. Avqustun 19-da Gürcüstan parlamentinin sədri Nino Burcanadze dünya dövlətlərinin parlamentlərinə müraciət etmiş, Gürcüstan rəhbərliyi isə fövqəladə bəyanat vermişdir. Bundan sonra gürcü tərəfinin cavabının daha prinsipial və daha radikal olacağı bildirilir.
Vəziyyətin gərginləşməsinə baxmayaraq, rəsmi Tbilisi avqustun 17-də gürcü-osetin münaqişəsinin tənzimlənməsi üzrə qarışıq nəzarət komissiyası həmsədrlərinin Gürcüstanın Baş naziri Zurab Jvaniya ilə görüşündə əldə edilmiş dörd prinsipə sədaqətini bir daha ifadə etmişdir. Həmin prinsiplər atəşkəs, bölgədə yolların açıq və təhlükəsiz olması, demilitarizasiya və bilavasitə dialoqa başlanması tələblərini nəzərdə tutur.
Bölmənin digər xəbərləri
