Tacikistanla Əfqanıstan arasında əməkdaşlığın daha da dərinləşdirilməsi məsələləri müzakirə olunub
Düşənbə, 29 mart, AZƏRTAC
Tacikistan Prezidenti Emoməli Rəhmon bu ölkədə rəsmi səfərdə olan Əfqanıstanın dövlət başçısı Məhəmməd Əşrəf Qani ilə görüşüb.
AZƏRTAC Tacikistan Prezidentinin mətbuat xidmətinə istinadla xəbər verir ki, görüşdə iki ölkə arasında siyasi, iqtisadi-ticari, nəqliyyat, tranzit, energetika, mədəniyyət və digər sahələrdə əməkdaşlığın daha da inkişafı, Əfqanıstanda sülhün və sabitliyin tam bərpa edilməsi, həmçinin terrorizm, narkotiklərin qeyri-qanuni dövriyyəsi, transmilli cinayətkarlıq ilə mübarizə məsələləri müzakirə olunub.
Prezidentlər danışıqların yekunu olaraq Birgə Bəyanat imzalayıblar. Danışıqlarda müzakirə olunan məsələlərlə bağlı digər sənədlər də imzalanıb.
Sonra dövlət başçıları jurnalistlər üçün mətbuat konfransı keçiriblər.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
