Tarix Muzeyində Birinci Türkoloji Qurultayın iştirakçılarına aid onlarla şəxsi sənəd və əşya saxlanılır
Bakı, 25 dekabr, AZƏRTAC
Birinci Türkoloji Qurultayın 100 illik yubileyinin keçirilməsi haqqında Azərbaycan Respublikası Prezidentinin Sərəncamı ölkəmizdə türkologiya elminin tarixinə geniş və dərin nəzər salmaq üçün əlverişli imkanlar yaradıb.Tariximizə, mədəniyyətimizə və elmimizə dair yüz minlərlə artefaktın qorunduğu Milli Azərbaycan Tarixi Muzeyində Birinci Türkoloji Qurultayın iştirakçılarına aid onlarla şəxsi sənəd və əşya saxlanılır.
AZƏRTAC xəbər verir ki, bu barədə Milli Azərbaycan Tarixi Muzeyinin direktoru akademik Nailə Vəlixanlı məlumat verib. O qeyd edib ki, 1926-cı ilin fevralında Bakıda keçirilmiş Birinci Türkoloji Qurultay təkcə həmin dövrün türk xalqlarının mədəni inteqrasiyasında yeni mərhələnin təməlini qoymayıb, həm də bu gün öz tarixi əhəmiyyətini qoruyub saxlayıb. Qurultay dövrün türkdilli xalqlarının qarşılıqlı ədəbi və elmi əlaqələrinin genişləndirilməsinə mühüm töhfə verib, türk xalqlarının elmi, mədəni və mənəvi tarixində fundamental əhəmiyyət kəsb edən hadisə kimi tarixə düşüb. Bu gün türk dövlətləri vahid mövqedən çıxış edir, ortaq dəyərlər və məqsədlər ətrafında birləşərək qlobal gücə çevrilməkdədir.
Bölmənin digər xəbərləri
