Tatarıstanda yaşayış binasında baş verən partlayış nəticəsində 8 nəfər xəsarət alıb
Moskva, 22 iyun, AZƏRTAC
Rusiya Federasiyası Tatarıstan Respublikasının Zainsk şəhərində yaşayış binasında qaz balonunun partlaması nəticəsində 8 nəfər xəsarət alıb.
AZƏRTAC xəbər verir ki, yerli qəza tibb mərkəzinin məlumatına görə, xəsarət alanlardan 3 nəfərin, o cümlədən bir uşağın vəziyyəti ağırdır. Partlayış binanın mənzillərindən birində təmir işləri aparılan zamanı baş verib.
Hadisə nəticəsində binanın 4-cü və 5-ci mərtəbələrində mənzillərə ciddi ziyan dəyib, 16 sakin təxliyə edilib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
