Tbilisidə keçirilən beynəlxalq konfransda regionda həyata keçirilən irimiqyaslı layihələrdən danışılıb
Tbilisi, 10 sentyabr, AZƏRTAC
Gürcüstanın paytaxtı Tbilisidə “İndi nə?” adlı beşinci beynəlxalq konfrans sentyabrın 10-da işini davam etdirib.
AZƏRTAC xəbər verir ki, konfransda əsas müzakirə mövzularından biri "Türkiyə və qonşuları" olub.
Atlantik Şuranın siyasi şərhçisi, ABŞ-ın Azərbaycandakı keçmiş səfiri, ATƏT-in Minsk qrupunun sabiq həmsədri Mətyu Brayzə, Avropa Parlamentinin üzvü Mariet Skaake, Türkiyənin Gürcüstandakı səfiri Fatma Ceren Yazgan və başqaları çıxış edərək Türkiyə, Gürcüstan və Azərbaycanın birgə həyata keçirdikləri enerji, nəqliyyat və logistik layihələr barədə danışıblar.
Çıxışlar zamanı bu layihələrin təkcə region üçün deyil, Avropa və dünyanın digər ölkələri üçün mühüm əhəmiyyəti qeyd olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
