TƏBRİZİN “ALI YAYIM EVİ”NİN NƏŞRİ

15.09.2006 [21:39]
Çap et
A⁺ A^-

AZƏRTAC xəbər verir ki, görkəmli ədəbiyyatşünas alim, filologiya elmləri doktoru, professor Teymur Əhmədovun “Erməni xəyanəti və ya Andranik Ozanyanın qanlı əməlləri” (1918-1920-ci illər)” kitabçası İstanbulda çıxan “Kibayi milliyə” jurnalının 2002-ci ilin nömrələrində hissə-hissə dərc edilmişdir. Sonra isə “Kapro iletişim” nəşriyyatı tərəfindən buraxılmış professor, doktor Camal Anadolunun və doktor Nazilə Abbaslının “Tarixin işığında erməni dosyesi” kitabına bütövlükdə daxil edilmişdir.

Professor Yaşar Ağdoğan yazır ki, Teymur bəy bu kitabında tarixi sənədlərə istinadən Andranikin qanlı əməllərini, yerə-göyə sığmayan cinayətlərini açıqlamışdır... mən deyərdim ki, bu yazı utanmadan, çəkinmədən “soyqırımı”ndan danışan ermənilərə çox yaxşı cavabdır.

Teymur Əhmədovun bir qiymətli əsərinin Təbrizdə də işıq üzü görməsi sevindirici haldır. Çünki erməni lobbisinin çox güclü olduğu bir ölkədə Andranik Ozanyanın qanlı əməllərindən bəhs edən kitabın nəşri cəsarət tələb edir. Kitab Təbrizin “Alı yayım evi” tərəfindən 2006-cı ildə nəfis şəkildə kütləvi tirajla azərbaycanlı oxuculara çatdırılmışdır. Eyni zamanda bu kitabın Təbrizdə nəşr olunan “Xudafərin” jurnalında da hissə-hissə çapına başlanmışdır.

TƏBRİZİN “ALI YAYIM EVİ”NİN NƏŞRİ

MÜƏLLİFLƏ ƏLAQƏ

Bölmənin digər xəbərləri