Təhsil və peşə mərkəzlərinin ikinci tanıtım sərgisi keçirilib
Bakı, 6 mart, AZƏRTAC
Təhsil və peşə mərkəzlərinin ikinci tanıtım sərgisi keçirilib.
Bu barədə AZƏRTAC-a Peşə Təhsili üzrə Dövlət Agentliyindən məlumat verilib. Gənclər və İdman Nazirliyi Bakı Şəhər Gənclər və İdman Baş İdarəsinin, Dövlət İmtahan Mərkəzinin, Peşə Təhsili üzrə Dövlət Agentliyinin və Dövlət Məşğulluq Agentliyinin tərəfdaşlığı ilə keçirilən sərginin məqsədi təhsil və peşə mərkəzlərinin fəaliyyəti haqqında ictimaiyyəti məlumatlandırmaq, eyni zamanda, bu müəssisələrin xidmətləri haqqında daha geniş məlumat vermək olub.
Sərgi peşə təhsili müəssisələri üçün də öz xidmətlərini daha geniş auditoriyaya çatdırmaq fürsəti yaradıb.
Qeyd edək ki, sərgidə Turizm və Sosial Xidmətlər, Sənaye və İnnovasiyalar, Mədəniyyət və Sənətkarlıq, Emal Sənayesi üzrə Bakı Dövlət Peşə Təhsil mərkəzləri təmsil olunub. Sərgiyə gələnlərə peşə təhsili müəssisələri haqqında ətraflı məlumat verilib. Həmçinin tələbələrin əl işləri sərginin qonaqlarına nümayiş etdirilib.
Bölmənin digər xəbərləri
