“Telegraph”: FIFA və UEFA Rusiya komandalarının yarışlara tezliklə buraxılmasını planlaşdırmır
Bakı, 8 iyul, AZƏRTAC
Beynəlxalq Futbol Federasiyası (FIFA) və Avropa Futbol Assosiasiyaları İttifaqı (UEFA) yaxın gələcəkdə Rusiya klublarına və milli komandalarına onların himayəsi altında keçirilən turnirlərdə iştirak etməyə icazə verməyi planlaşdırmır.
AZƏRTAC TASS-a istinadla xəbər verir ki, bu barədə “The Telegraph” qəzeti məlumat yayıb.
Beynəlxalq Olimpiya Komitəsi (BOK) İcraiyyə Komitəsinin Rusiya Olimpiya Komitəsinin təşkilatdakı üzvlüyünü bərpa etdiyini və rusiyalı idmançılara qarşı bütün məhdudiyyətlərin aradan qaldırılmasını tövsiyə etdiyini bildirmişdi. Jurnalist Rob Harris sosial media səhifəsində FIFA-nın BOK-un tövsiyələrini nəzərdən keçirəcəyini bildirib.
Qeyd edək ki, Ukrayna ilə müharibəyə görə Rusiya klubları və milli komandaları 2022-ci ildən etibarən FIFA və UEFA turnirlərindən kənarlaşdırılıb.
Bölmənin digər xəbərləri
