Tomris İncer: Azərbaycanda məşhur qələm sahibinin əsəri əsasında ekranlaşdırılan filmə çəkilmək mənim üçün böyük qürurdur
Bakı, 19 iyul (AZƏRTAC). Azərbaycanda olmaq və burada məşhur qələm sahibinin əsəri əsasında ekranlaşdırılan filmə çəkilmək mənim üçün böyük qürurdur. “Mahmud və Məryəm” əsərini oxuduqdan sonra belə bir eşq hekayəsi əsasında maraqlı bir filmin çəkilməsini arzulayırdım. Az vaxtdan sonra əsər əsasında filmin çəkilişləri ilə bağlı məlumat əldə edərkən mütləq bu filmdə çəkiləcəyəm dedim. Bu qəti qərarın reallaşması naminə bütün səylərimi səfərbər etdim və sonda istəyimə nail oldum.
AZƏRTAC xəbər verir ki, bu fikirləri jurnalistlərə müsahibəsində Xalq Yazıçısı Elçinin “Mahmud və Məryəm” əsəri əsasında ekranlaşdırılan eyniadlı filmdə “Qısır qadın” obrazının ifaçısı, məşhur türkiyəli aktrisa Tomris İncer demişdir.
T.İncer vurğulamışdır ki, yaradacağı obrazın tamaşaçılar tərəfindən sevilməsi üçün əlindən gələni edəcəkdir.
Bölmənin digər xəbərləri
