TOVUZ RAYON SAKİNİ SİLAH SATARKƏN TUTULMUŞDUR
Bakı, 16 iyun (AZƏRTAC). Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində Tovuz rayonunun Bozalqanlı kənd sakini Qiyas Musayev “Valter” tipli tapançanı, ona aid güllə darağını və 6 gülləni satarkən tutulmuşdur.
Daxili İşlər Nazirliyinin mətbuat xidmətindən bildirmişlər ki,
Q.Musayevin ətrafında aparılmış tədbirlər nəticəsində onun silahı həmkəndlisi, əvvəllər məhkum olunmuş Sədi Zeynalovdan alması müəyyən edilmişdir. Həyata keçirilmiş əməliyyat-axtarış tədbirləri nəticəsində S.Zeynalov tutulmuş, ondan “E.B.RADOM VİS 35” markalı tapança, “TOZ-8M” markalı tüfəng, 1 güllə darağı və 1 güllə götürülmüşdür.
Faktla bağlı araşdırma aparılır.
Bölmənin digər xəbərləri
