Tramp Çin və Rusiyaya istədikləri nefti sata biləcəyini açıqlayıb
Vaşinqton, 10 yanvar, AZƏRTAC
ABŞ Prezidenti Donald Tramp Çin və Rusiyaya ehtiyacları olan bütün nefti sata biləcəyini açıqlayıb.
AZƏRTAC-ın məlumatına görə, bu barədə o, Ağ Evdə neft şirkətlərinin rəhbərləri ilə görüşdə deyib. O, Venesuelanın neft satışlarına nəzarətdən sonra bu ölkələrlə də əməkdaşlığa açıq olduğunu bildirib.
"Çin və Rusiya ABŞ-dan istədikləri bütün nefti ala bilər”,- deyə Tramp qeyd edib.
O, görüşdə ABŞ-ın Venesuelanın neft hasilatına nəzarəti ələ keçirməyəcəyi təqdirdə, bunu Çin və Rusiyanın edə biləcəyini deyib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
