Tramp: İran hücuma cavab versə, daha sərt zərbələr endiriləcək
Vaşinqton, 1 sentyabr, AZƏRTAC
ABŞ Hörmüz boğazı yaxınlığındakı İran hədəflərinə zərbələr endirir.
AZƏRTAC xəbər verir ki, bu barədə ABŞ Prezidenti Donald Tramp öz sosial şəbəkəsində yazıb.
Onun sözlərinə görə, zərbələr güclüdür və İranın hazırda mina olmayan boğaza dəniz minaları yerləşdirmək cəhdinə, İordaniyadakı ABŞ bazasına səkkiz raket atmasına cavab olaraq endirilib.
“Əgər İran bu, çox haqlı hücuma qarşılıq verərsə, onlara daha sərt və daha yüksək səviyyədə yenidən zərbə endiriləcək, lakin bu da ən böyük hücum olmayacaq. Əsas hücum hələ qabaqdadır və bundan sonra İran İslam Respublikasının yerində çox az şey qalacaq”,- deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
