TRAMPLİN-TAMBLİNQ ÜZRƏ BAKI ÇEMPİONLARI MƏLUMDUR

28.10.2003 [23:10]
Çap et
A⁺ A^-

Tramplin-tamblinq – təmrinlərin batutda və akrobatik xalça üzərində yerinə yetirilməsi üzrə Bakı çempionatı başa çatmışdır. Respublika Gimnastika Federasiyasından AZƏRTAC-ın müxbirinə bildirmişlər ki, yarışlarda Nizami rayon idman məktəbini və gimnastika idmanı məktəbini təmsil edən 32 idmançı mübarizə aparmışdır. Çoxnövçülükdə idman ustası proqramı üzrə təmrində 28,2 bal toplayan Taleh Qazıyev birinci yeri tutmuş, ustalığa namizəd proqramında isə ən yaxşı nəticəni Hafiz Rzayev göstərmişdir.

Birinci yaş dərəcəsində 27,6 xal toplayan Vüqar Ələkbərov Bakı çempionu olmuş, turnirdə iştirak edən yeganə qız Gülnarə Quluzadə isə 26,9 balla ikinci yaş dərəcəsində fəxri kürsünün ən yüksək pilləsinə qalxmışdır.

Azərbaycan yığma komandasının baş məşqçisi Arif Qafarovun sözlərinə görə, yarışlar göstərmişdir ki, ölkəmizdə idmanın bu növünə maraq durmadan artmaqdadır.

Noyabrın 28-30-da tramplin-tamblinq üzrə Azərbaycan çempionatı keçiriləcəkdir. Çempionatın yekunlarına görə, dekabrın 2-9-da Minskdə keçiriləcək Korkin Kuboku uğrunda beynəlxalq turnirdə iştirak edəcək idmançılar seçiləcəkdir.

TRAMPLİN-TAMBLİNQ ÜZRƏ BAKI ÇEMPİONLARI MƏLUMDUR

MÜƏLLİFLƏ ƏLAQƏ

Bölmənin digər xəbərləri