“Turan Tovuz” – “Qəbələ” oyunu heç-heçə ilə yekunlaşıb
Bakı, 11 mart, AZƏRTAC
Futbol üzrə Azərbaycan Premyer Liqasının XXVI turu çərçivəsində “Turan Tovuz” komandası “Qəbələ”ni qəbul edib.
AZƏRTAC xəbər verir ki, qarşılıqlı hücumlar şəraitində keçən oyun 1:1 hesabı ilə başa çatıb.
Tovuz təmsilçisinin heyətində Runi Eva penaltidən fərqlənib. “Qəbələ”nin qolunu isə Felipe Santos vurub.
Hesabında 33 xal olan “Qəbələ” turnir cədvəlində beşinci pillədəki mövqeyini möhkəmlədib. “Turan Tovuz” isə 27 xalla altıncıdır.
Ötən gün keçirilən oyunlarda “Kəpəz” klubu “Zirə” (1:1) ilə heç-heçə edib, “Sabah” “Sumqayıt”a 4:0 hesabı ilə qalib gəlib. Bu gün “Qarabağ” “Səbail”i, sabah isə “Şamaxı” “Neftçi”ni qəbul edəcək.
Bölmənin digər xəbərləri
