Turizm statistikasının hazırlanması sistemi təkmilləşdiriləcəkdir
Bakı, 31 oktyabr (AZƏRTAC). Azərbaycanda turizm sahəsi üzrə statistik məlumatların toplanması sistemi və metodologiyası təkmilləşdiriləcəkdir.
Mədəniyyət və Turizm Nazirliyindən AZƏRTAC-a bildirmişlər ki, bu məqsədlə noyabrın sonlarında xarici ekspertlərin ölkəmizə səfəri gözlənilir.
Bildirilmişdir ki, Azərbaycanın turizm sahəsi üzrə statistikasının təkmilləşdirilməsi üçün hansı ölkənin təcrübəsinə önəm verəcəyi xarici ekspertlərin ölkəmizə səfəri zamanı müəyyən olunacaqdır.
Statistik məlumatların toplanması sisteminin təkmilləşdirilməsi nəticəsində daha dəqiq hesablamaların aparılmasına nail olunacaqdır. Bunun üçün müəyyən ölkələrin təcrübəsindən istifadə ediləcəkdir.
Hazırda Azərbaycan turizm sahəsi üzrə statistik məlumatların toplanmasını Dünya Turizm Təşkilatı və BMT-nin statistika bölməsinin tövsiyələrini nəzərə almaqla həyata keçirir.
Bölmənin digər xəbərləri
