Türkiyə COP31 iştirakçıları üçün viza qaydalarını sadələşdirməyə hazırlaşır
Ankara, 5 iyul, AZƏRTAC
Türkiyə Böyük Millət Məclisi (TBMM) Birləşmiş Millətlər Təşkilatının İqlim Dəyişmələri üzrə Çərçivə Konvensiyası Tərəflər Konfransının Antalyada keçiriləcək 31-ci sessiyasının (COP31) iştirakçıları üçün imtiyazlar və güzəştlər haqqında beynəlxalq saziş layihəsini nəzərdən keçirəcək.
AZƏRTAC Türkiyə mediasına istinadla xəbər verir ki, Ankara və BMT tərəfindən razılaşdırılmış sənəd artıq Türkiyə parlamentinə təqdim edilib, onun təsdiqlənməsi isə COP31 iştirakçılarının ölkəyə sadələşdirilmiş giriş-çıxış proseduruna yol açacaq.
Bundan əlavə, Türkiyə hakimiyyət orqanları bu il noyabrın 3-8-də keçirilməsi planlaşdırılan COP31 tədbirlərinin hazırlıq dövrünün xərclərini, o cümlədən binaların, digər obyektlərin, avadanlıqların, infrastrukturun və xidmətlərin pulsuz təmin edilməsi xərclərini ödəyəcək.
BMT-nin ən böyük Sammitinin proqramının əsas hissəsinin noyabrın 9-20-də Türkiyənin “turizm paytaxtı”nda ətraf mühitin idarə olunması standartlarına və davamlı inkişaf prinsiplərinə uyğun olaraq keçirilməsi planlaşdırılır.
Bölmənin digər xəbərləri
