TÜRKİYƏ ƏRAZİSİNDƏ KƏMƏRİN TİKİNTİSİ İŞLƏRİNİN 80 FAİZDƏN ÇOXU YERİNƏ YETİRİLMİŞDİR
bp şirkətinin mətbuat xidmətindən AZƏRTAC-ın müxbirinə bildirmişlər ki, Bakı-Tbilisi-Ceyhan kəmərinin Türkiyə ərazisindən keçən hissəsinin tikintisində xeyli irəliləyiş əldə edilmişdir. Boru xəttinin inşasının 85 faizi, nasos stansiyaları üzrə işlərin 65 faizi, Ceyhan terminalında işlərin 90 faizdən çoxu tamamlanmışdır. Tikintini aparan BOTAŞ şirkəti 1075 kilometr uzunluğunda boru kəməri dəhlizini bütünlüklə təmizləmişdir. İşlərin mart ayında - nəzərdə tutulmuş vaxtda tam başa çatdırılması üçün bütün qüvvələr səfərbər edilmişdir.
Bölmənin digər xəbərləri
