Türkiyə qırıcıları ölkənin hava məkanını pozan PUA-nı endirib
Ankara, 15 dekabr, AZƏRTAC
Türkiyə Hərbi Hava Qüvvələrinə məxsus F-16 təyyarələri ölkənin hava məkanına daxil olan pilotsuz uçuş aparatını (PUA) məhv edib.
AZƏRTAC Türkiyənin Milli Müdafiə Nazirliyinə istinadən xəbər verir ki, Qara dənizdə Türkiyənin hava məkanını pozan PUA-nın “izi” aşkarlanıb.
Nazirliyin açıqlamasında qeyd edilib ki, sözügedən dronun nəzarətdən çıxdığı müəyyən olunub.
Arzuolunmaz insidentin qarşısının alınması məqsədilə PUA yaşayış məntəqələrindən uzaq ərazidə qırıcılar tərəfindən vurularaq endirilib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
