TÜRKİYƏ YƏHUDİLƏR ÜÇÜN HƏR ZAMAN RAHAT VƏ TƏHLÜKƏSİZ ÖLKƏ OLMUŞDUR
AZƏRTAC-ın xüsusi müxbiri xəbər verir ki, iyunun 28-də AŞPA-nın iqamətgahında “Osmanlı-türk cəmiyyətində yəhudilərin həyatından görüntülər” adlı sərginin açılışında Türkiyənin Baş naziri Rəcəb Tayyib Ərdoğan tarix boyunca dünyanın bir çox yerində təqiblərə məruz qalan yəhudilərin Türkiyə torpaqlarında rahat və təhlükəsiz şəraitdə yaşadıqlarını bildirmişdir. Onun sözlərinə görə, 514 il bundan əvvəl Osmanlı hökmdarı Sultan II Bəyazitin təqib olunan və başqa ölkələrdən qovulan yəhudiləri öz ölkəsinə dəvət etməsi və onların məskunlaşdıqları əyalət və bəyliklərə bu insanlara kiçik bir zərər verəcək şəxslərin cəzalandırılacağı barədə məktubları əsil insanlıq nümunəsidir.
Baş nazir yəhudilərin türk cəmiyyətinə və Osmanlı dövlətinə yardımlarından da bəhs etmişdir.
Bölmənin digər xəbərləri
