Türkiyədə axtarışda olan daha bir təhlükəli terrorçu zərərsizləşdirilib
Ankara, 8 aprel, AZƏRTAC
Türkiyə təhlükəsizlik qüvvələrinin həyata keçirdiyi “Eren-10” antiterror əməliyyatı uğurla davam edir.
AZƏRTAC xəbər verir ki, daxili işlər naziri Süleyman Soylu əməliyyatın uğurlu nəticələri ilə bağlı sosial şəbəkə hesabında paylaşım edib.
Nazir şəxsi hesabında yazıb ki, Şırnak-Bəstlər bölgəsində yerləşən Domuz dağı ərazisində daha iki terrorçu zərərsizləşdirilib. Onlardan biri təhlükəli terrorçular sırasında axtarışda olub. Bununla da “Eren-10” antiterror əməliyyatı nəticəsində son günlər zərərsizləşdirilən terrorçuların ümumi sayı 10-a çatıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
