Türkiyədə axtarışda olan iki terrorçu zərərsizləşdirilib
Ankara, 23 iyun, AZƏRTAC
Türkiyənin təhlükəsizlik qüvvələri ölkənin Bitlis vilayətinin Tatvan rayonunda keçirdikləri antiterror əməliyyatı zamanı axtarışda olan iki terrorçunu məhv ediblər.
AZƏRTAC xəbər verir ki, bu barədə Daxili İşlər Nazirliyi məlumat yayıb.
“Dersim Çektar” ləqəbli terrorçu Recep Yaşarın və ”Çektar Canfeda” ləqəbli Abdulkahar Çobanın hər birinin ələ keçirilməsi üçün 500 min türk lirəsi (təxminən 71 min ABŞ dolları) məbləğində mükafat vəd edilmişdi. Hər iki şəxs ağır terror hadisələrinin törədilməsində ittiham olunurlar.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
