Türkiyədə hərbi təyyarə qəzaya uğrayıb
İstanbul, 9 aprel, AZƏRTAC
Türkiyənin İzmir vilayətində hərbi təyyarə qəzaya uğrayaraq Egey dənizinə düşüb.
AZƏRTAC xəbər verir ki, hadisə şəhərin Foça rayonu ərazisində baş verib.
Bununla bağlı Türkiyənin Milli Müdafiə Nazirliyindən məlumat verilib.
Məlumatda bildirilir ki, İzmirdə Türkiyənin ikinci əsas Jet Bazası Komandanlığına məxsus “KT-1” tipli təyyarə təlim uçuşu zamanı qəzaya uğrayıb. Hadisənin baş vermə səbəbləri hələ ki, məlum deyil. Qəzadan dərhal sonra başladılan axtarış-xilasetmə işləri nəticəsində hər iki pilot xilas edilib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
