Türkiyədə yük maşınında gizlənən 218 miqrant aşkarlanıb
Ankara, 2 aprel, AZƏRTAC
Türkiyədə ağır tonnajlı yük maşınının kuzasında 218 miqrantın olduğu aşkarlanıb.
AZƏRTAC xəbər verir ki, TIR-ın qanunsuz olaraq qaçqınları daşıması polis əməkdaşlarının Van vilayətinin Erciş rayonu ərazisində keçirdikləri reyd zamanı üzə çıxıb.
Bildirilir ki, yük maşınının sürücüsü həbs edilib, qaçqınlar aidiyyəti qaydada Van Miqrasiya İdarəsinə təhvil verilib.
Qeyd edək ki, bu ərazidə martın 5-də baş vermiş yol-qəzası zamanı TIR-ın kuzasında 114 qaçqının olduğu aşkarlanmışdı.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
