Türkiyəli alimlər Neft-Kimya Prosesləri İnstitutunda
Bakı, 28 fevral, AZƏRTAC
Türkiyənin Biləcik Şeyx Ədəbali Universitetinin əməkdaşları Azərbaycan Milli Elmlər Akademiyasının (AMEA) akademik Y.Məmmədəliyev adına Neft-Kimya Prosesləri İnstitutunda (NKPİ) olublar.
NKPİ-dən AZƏRTAC-a bildirilib ki, görüşdə direktor, akademik Vaqif Abbasov institutun tarixi, burada aparılan elmi-tədqiqat işləri, sintez olunan reagentlər haqqında məlumat verib.
Biləcik Şeyx Ədəbali Universitetinin prorektoru, professor Nurgül Özbay institutun elmi-tədqiqat işlərindən danışıb, əlaqələrin möhkəmləndirilməsində və əməkdaşlıq müqaviləsinin bağlanmasında maraqlı olduğunu söyləyib. O, bu məqsədlə Vaqif Abbasovu Türkiyəyə dəvət edib.
Görüşdə əməkdaşlıq perspektivləri müzakirə olunub.
Bölmənin digər xəbərləri
